Cолтүстік Қазақстан облысы бойынша білім саласындағы сапаны қамтамасыз ету департаменті білім беру ұйымдарын жаңа формата мемлекеттік аттестаттаудан өткізу және оған дайындық алгоритмін түсіндіру бойынша бірқатар іс-шаралар өткізуде. Білім сапасын сырттай бағалау бөлімінің басшысы М.А. Панарина ағымдағы жылдың 14-ші қыркүйегінде Тайынша ауданы мектептерінің директорлар кеңесінде сөз сөйледі.
Мектеп директорларының назары оқу жылының қорытындысы бойынша жыл сайынғы өзін-өзі бағалауды құрастыру және оны білім беру ұйымының ресми интернет-ресурсында орналастыру қажеттілігіне аударылды. Өзін-өзі бағалауды құру тәртібі «Білім беру ұйымдарын бағалау өлшем-шарттарын бекіту туралы» Қазақстан Республикасы Білім және ғылым министрінің 2016 жылғы 2 ақпандағы № 124 бұйрығымен реттеледі (жаңа редакцияда-2021 жылғы 26 шілдедегі № 366 бұйрығымен). Бірыңғай тәсілді және ашықтықты қамтамасыз ету мақсатында Қазақстан Республикасы Білім және ғылым министрлігінің Білім және ғылым саласындағы сапаны қамтамасыз ету комитеті білім беру ұйымдарының өзін-өзі бағалауын ұйымдастыру және жүргізу бойынша Әдістемелік ұсынымдар әзірледі.
Жаңалықты мекеменің сайтында қарау
