Солтүстік Қазақстан облысының білім саласында сапаны қамтамасыз ету департаментінің негізгі міндеттерінің бірі білім беру саласындағы бірыңғай мемлекеттік саясатты іске асырып, білім беру қызметінің сапасын қамтамасыз ету шараларын жүргізу. Сонымен қатар Департамент өз қызметін жергілікті атқарушы органдарымен, өзге де ұйымдармен өзара ынтымақтастық құра отыра жүзеге асырады. 2021 жылдың 9-желтоқсанында Айыртау аудандық мәслихатының ХІІ кезекті сессиясына департамент басшысы А.А. Сұрағанова қатысты. Сессияға аудан әкімі Е.М. Бекшенов, аудан әкімінің орынбасарлары, қоғамдық кеңесінің төрағасы, аудандық мемлекеттік мекемелердің басшылары қатысты.
Департамент тарапынан ауданның білім мекемелерінің материалдық-техникалық базасының ахуалы жайында, соның ішінде білім мекемелеріне қойылатын біліктілік талаптары туралы баяндама жасалды, мекемеге бару арқылы жүргізілген профилақтикалық бақылаудың қорытындылары туралы, білім беру сапасына әсер ететін факторлар мен тәуекелдер туралы ақпарат берілді. Оқушылардың қауіпсіздігін қамтамасыз ететін іс-шаралардың күшейту мәселесі бойынша ұсыныстар жасалды.
Сессия барысында аудандық білім бөлімінің басшысы Балжан Баймагамбетова білім саласы бойынша 2021 жылы атқарылған жұмысымен қоса келесі жылға қойлған міндеттері туралы баяндама жасады.
Жаңалықты мекеменің сайтында қарау
