ҚР «Білім туралы» Заңының 59 бабына сәйкес мекемеге бармай алдын алу бақылау шарасы ретінде мемлекеттік аттестация институты 2021 жылдың 1 қыркүегінен басталды. Былтыр 8 жалпы білім беру орта мектептерінен бірі де аттестатталмады, балабақшалар бойынша жетеуінің 90% мемлекеттік аттестациядан өте алмады.
2022 жылдың бірінші тоқсанында 16 білім мекемелері, соның ішінде 5 мектепке дейінгі мекеме, 11 орта мектептің тек Петропавл қаласының «Ақ бота» балабақшасы мен Ақжар ауданының Ленинград ОМ мемлекеттік аттестациядан өтті. Мұндай көрсеткіш білім саласындағы жергілікті атқарушы органдарының мекемелердің мемлекеттік аттестацияға сапалы дайындығына тиісінше көңіл бөлмеуінде, әдістемелік көмек көрсетілмеуінде. Айта кету керек, ҚР «Білім туралы» Заңының 39 бабына сәйкес білім мекемесі мемлекеттік аттестациядан өтпеген жағдайда білім туралы мемлекеттік үлгідегі негізгі орта, жалпы орта білімнің құжаттарын табыстау құқығынан айырылуы мүмкін. Осындай тәуекелдердің алдын алу мақсатында СҚО Білім басқармасына осы бағытта арнайы іс-шаралар жоспарын бекітіп, тұрақты түрде әдістемелік көмек ұйымдастырылуы туралы ұсыныс жасалды.
Жаңалықты мекеменің сайтында қарау
