Жеке меншік балабақшалар қауымдастығының мүшелерімен кездесу барысында өзекті тақырыптар талқыланды. Жалпы мекетепке дейінгі оқу-тәрбие барысында болып жатқан өзгерістер жайлы білім басқармасының бөлім басшысы Валентина Черных, жеке меншік балабақшалардың жан басына қаржыландыру механизмі жайында басқарма басшысының орынбасары Е.Гонтарь баяндады. Әңгіме барысында мемлекеттік тапсырыс алу үшін талаптардың күшейтілгені туралы да айтылды.
Кездесу барысында қоғамда талқыланып жатқан балабақшалардың лицензиялануы туралы Департамент басшысы А.Сураганова түсініктеме берді. Жалпы бұл бағытта бүгінгі күні түсіндіру жұмыстары жүргізіліп жатыр. Лицензиялау жүйесі кезең-кезеңмен енгізілетін болады. Бастапқы кезеңде тиісті реттеушілік әсердегі бар нормативтік құжаттарды зерделеу жұмысымен қатар біліктілік талаптарды талқылап қарастыру, одан кейін Заң жобасын дайындап бекіту, балабақшаларды лицензиялау мемлекеттік қызметтің ережелері мен стандарттарын әзірлеу және тағы да басқа жұмыстар жүргізіледі. Бұл мемлекеттік қызмет автоматтандырылған жүйе арқылы жасалатын болады. Мұнда балабақшаларға негізгі ең төменгі біліктілік талаптар қойылады. Ең бастысы баланы сапалы және кауіпсіз тәрбие алу үшін ортаның жасалуы.
Жаңалықты мекеменің сайтында қарау
